京林屋 (明宮閣) (已結業)

黑蜜牛乳芭菲-表面有一球云呢拿雪糕、焙茶啫喱同丸子，雪糕食落口感香滑，奶味都算几香浓，加入黑蜜糖浆，黑糖嘅甜味同焙茶啫喱好夹，味道好有层次，一路食到下面仲食到有少少黑糖嘅啫喱添。焙茶芝士蛋糕 -蛋糕味道偏清淡，焙茶味道清香，再带点淡淡的芝士味，蛋糕质地偏硬身，整体感觉好好。旁边仲配埋一球焙茶雪糕、红豆蓉买两粒丸子，红豆嘅味道香浓，味道较甜配埋味道较淡嘅雪糕，味道好夹。宇治茶冰-份量好大，要三四个人先食得晒，上层有一球抺茶雪糕， 茶味香浓再带点奶味，同平时食开嘅好唔同，下层嘅冰底系牛奶冰，加左抺茶嘅酱汁，未到唔会过于浓，食落感觉好消暑，一路食嘅时候中间仲加入左啲小丸子同抺茶啫喱，10分抵食。