琥酌 (已搬遷) 新店位置

好耐冇出过尖沙咀，朋友介绍试呢间餐厅，初头对楼上餐厅都冇乜特别大期望，但系食过之后估唔到价钱合理，而且食物有质素，令我非常惊喜前菜先来两碟沙律，沙律新鲜爽脆，配埋沙律酱汁酸酸甜甜好开胃，之后我哋再叫咗一个烧茄子，本身平平无奇嘅茄子，烧过之后配埋酱汁，又健康又好味店员推介我哋叫呢个海鲜茶壶汤，之前喺日本餐厅叫过茶壶汤好贵，但系呢度价钱合理，而且汤料充足，味道仲好浓郁，冇味精超好饮牛仔骨肉质鲜嫩，咬落唔会好硬，而且唔好睇佢细细碟，一碟入边有成五六旧，分量十足我好钟意食串烧，烧鸡肉串，点生鸡蛋同埋烧汁一齐食，食唔停口。最后一碗鳗鱼茶渍饭， 好大碗，大大块鳗鱼，饭淋左好好多烧汁，好香又好味，捞埋茶汤一齐食，变得味道清淡左，成个饭无咁溜，2个人share食刚刚好。今餐真系非常满足。