茶廳 (已結業)

有咩比帮衬一晚更能试得出一间餐厅的水准？答案就系连续帮衬两晚。今晚系第二晚食茶厅的晚餐，再黎的主要目的系要试「招牌丰哥捞面」同埋豆角炒牛肉。先入正题讲一讲个「招牌丰哥捞面」，用左上乘的虾子面，将炒香左的虾米糁响捞面面头，大大提升虾子面的虾子味！值得一提系叫佢另上的秘制辣椒酱混入左虾米碎，非常惹味，但唔建议直接捞入个面度，否则「泥牛入海」食唔到佢独特香味。用筷子尖沾上少少辣辣油，再夹一啖捞面，更能双得益彰！至于「马拉盏豆角炒牛肉」出乎意料之外地「咸」，同我对茶厅印象中比较偏淡的风格迥然不回。除左马拉盏的咸味之外食不出任何特别之处，牛肉卷埋一旧内藏一pat马拉盏真系咸到翻天。今次「翻啅」（不是反枱）之旅令我对茶厅的兴趣同新鲜感暂时告一段落，睇怕能令我再有所牵挂的只有其秘制虾米辣椒酱。