影片
更多
2022-02-20
352 浏览
身为一名茶控，对于呢间专食茶味甜品嘅小店已经bookmark左有一段时间，趁住之前去开西营盘，就特登行咗过去帮衬☺️ 呢间小店原来系家庭生意，入到去见到妈妈负责整甜品，爸爸负责招呼客人，仔仔就喺隔离枱玩紧🤣 而且个环境都好似啲日本家庭开嘅小店咁，入到去就已经好有亲切感👍🏻一向钟意焙茶嘅我其实一早已经有心水，入到去就毫不犹豫咁嗌咗件焙茶卷😋 虽然佢系焙茶卷，但个名就够哂长🤣 仲有白玉同红豆伴碟。而个焙茶cream嘅茶味够哂浓，但可以再滑身啲，同埋个蛋糕就咁食会有啲干，加埋啲cream同埋上面嘅奶盖就会较好，但整体都唔错🙌🏻而朋友个心太软就几有惊喜，内里超级流心😋 而且茶味同样都几浓，热热地嘅流心浆再加上冻冰冰嘅抹茶雪糕，冰火交融真系好正😙 另外啲蕨饼都系抹茶味，而且又大大嚿，呢个combo真系啱晒抹茶控！
京都宇治焙茶卷配白玉十胜红豆
$50
13 浏览
0 赞好
0 留言
日式蕨饼抹茶心太软伴抹茶雪糕
$68
12 浏览
0 赞好
0 留言
张贴
