茶木‧台式休閒餐廳 (已結業)

好多時完成外出工作，就會搵個地方坐低休息，同時又可以整理吓文件，呢間茶木地方大，坐位多，係一個唔錯嘅選擇。叫咗下午茶餐：話梅粉地瓜條拼芝心雞翼$50滷肉燥刈包$43茶餐飲品揀咗黑糖冬瓜茶，飲落香甜順喉好舒服。同事揀台式酸梅冰，佢話味道酸甜開胃。甜蜜糖心蛋拼芝士雞翼溏心蛋有色有香，口感滑溜。芝心雞翼外皮煎得金黃，裡面釀咗芝士、蘑菇片，口感豐富，幾好食。滷肉燥刈包第一次食刈包就在台北嘅夜市，鬆軟刈包夾住香噴噴嘅滷肉，仲有兩片青瓜，清新好味。地瓜條又香又脆，口感似薯條，又有蕃薯嘅香甜。