茶木‧台式休閒餐廳 (MOSTown) (裝修中)

茶木堂食就食得多，今日见好似要等位等好耐，索性转行买外卖返屋企慢慢叹。外卖优惠＄140可以拣两份主菜连饮品。两份仲送一客小食。第一选择系黑醋味醂猪软骨配白饭猪软骨炆得好腍，有部份软骨仲可以食埋，味道酸咪咪，几开胃。另一客系红烧牛颊肉面外卖份量都俾得足，牛肉大大旧，入晒味。汤同面分开，值得一赞。饮品唔洗加钱已经有黑糖珍珠奶茶。仲送一份盐酥鸡。小食虽然份量少少地，但系炸粉唔太厚，都食到啖啖鸡肉。＄140加几蚊外卖费，两份丰富台式食品，都觉得几抵食。