茶木‧台式休閒餐廳 (已結業)

细个都曾经每集追小丸子，茶木+小丸子，又好味又可以打卡，装修得好靓，到处都系小丸子主题。好开心，有花轮同学+小丸子陪我坐。仲有小丸子既朋友。草莓香草蜜糖砖块($83)，个包焗得外脆内软，搽左蜜糖好甜，加埋士多啤梨雪糕，一冻一热口感层次好正。花轮皇子元贝炸虾饭($88)，个饭形状跟足花轮个头发，元贝放在大菇上，仲有半溶芝士，菇够多汁。红烧半筋半腩牛肚面($72)，虽然哩个菜式冇关于小丸子既产品，但牛肉味浓郁，牛筋好腍，唔错。小丸子绿茶心太软($68)，心太软蛋糕软熟，绿茶酱味道都几好，唔会太苦，仲有个生果拿破仑，好脆皮。爷爷抹茶欧蕾($38)，个杯好精美，抹茶既香又滑。花轮玫瑰咖啡拿铁($38)，花轮同学几时都咁靓仔。