名川苑雞煲火鍋 (已結業)

行行下街想揾地方食野，周街日本野无乜兴趣，见到呢间餐厅新开张就入黎试下佢地既鸡煲。麻辣鸡煲试得多，今日一于转转口味，我就叫左佢地既茶树菇鸡煲。由于系半只鸡关系，份量不多但二人黎讲已够晒食。鸡件切成小块，鸡皮连鸡肉吃几肥美，而配料有蒜头，洋葱，京葱，莞茜等令鸡煲非常香浓。主角之一既茶树菇，原以为会非常干身及硬身，食落完全系淋之之，口感不俗之外，茶树菇吸收左鸡既精华同香料，好入味㖞。跟手整碟薯粉黎食，薯粉系呢个moment当然发挥佢既作用啦，吸晒汤底既日月精华，仲有本身既烟韧口感真系令人想整多两碗。成晚做左食肉兽，系时候要食返纤维黎帮助消化啦，最后叫左油麦菜黎衬呢个汤底，份量非常多，好配合3份菜2份肉既健康公式，油麦菜甜加上鸡既清甜别有一番味道。