幸亭拉麵 (已結業)

某日行过，见到原先既后巷茶档变左拉面店，好奇之下，又坐底试试这里如何。以前茶档系要全部全系巷仔，而家拉面店内都有四五个位，唔想坐巷仔既朋友又或者天时热既时候都可以坐店入面食。要个御品豚骨拉面同饺子，原先想加只蛋，店员表示面会跟半只，先试半只试试水准如何都好。面先到，汤底几热下，虽然未系万豚屋果只会烫脷既热度，不过呢个都真系几热，饮落浓郁，不过唔会成口都系油，这款汤头系我喜欢既一款。面条煮得刚好，都几弹牙，旧叉烧好似煮得过左火，有点韧，蛋就都可以叫做食得过。另点既饺子，非一般正常SIZE，几大只，还要爆馅，皮厚身，不过煎得金黄几脆身，几唔错。埋单八十八，好意头。