影片
更多
2004-11-08
36 浏览
嚷了一段日子ｏ既北角凤城，终于有机带同太上老君、少奶同少爷仔拜会一番。话哂千里迢迢坐完潜水巴，呕到大家夸啦啦，一埋台叹多几杯茶先；安顿好就狂风扫落叶。凤城炸粉果、灌汤饺：目标所在，不到黄河心不死，就连太上老君赠我一句：「还你心愿，等你死得眼闭！」唉，话虽如此，当大家（过过上汤）咬落脆脆炸粉果一刹那，跟大大粒虾ｏ既时候，鸦雀无声点点头赞好，果真松脆。上次在太子寻找「铁片」不遂，今次来到，一定要见识见识；几高难道放系碗仔（惊整穿饺里面ｏ的汤浪费吗），小心奕奕落埋红醋一啖咬落去，味道／料虽无乜特别，汤颇甜，但能做到真正「灌汤」ｏ既饺，分数我系比唔少ｏ架！四宝扎、牛柏叶、凤爪、叉肠、蛋挞仔：一般酒楼ｏ既点心，相比之下，觉得四宝扎都几好「油水」，可能系有一旧大肥鸡啦，好油下；牛柏叶，见太上老君好耐无食过来一个柯打，食落唔韧够淋身入味；凤爪，虽只得寥寥几只加一旧吸味生根，但只只凤爪都颇巨下，唔怕蚀，另最爱吸味生根，精华之所在；叉烧肠，热辣辣，皮薄馅多，甜豉油，选择之一；蛋挞仔，我就一个都无食过，少爷仔一手一个，将自己个口塞得满满，睇怕唔会差得去边ｏ既！见尚有「空档」，即管叫个脆皮乳猪医口痕；爽呀，
话哂千里迢迢坐完潜水巴，呕到大家夸啦啦，一埋台叹多几杯茶先；安顿好就狂风扫落叶。
凤城炸粉果、灌汤饺：目标所在，不到黄河心不死，就连太上老君赠我一句：「还你心愿，等你死得眼闭！」唉，话虽如此，当大家（过过上汤）咬落脆脆炸粉果一刹那，跟大大粒虾ｏ既时候，鸦雀无声点点头赞好，果真松脆。
上次在太子寻找「铁片」不遂，今次来到，一定要见识见识；几高难道放系碗仔（惊整穿饺里面ｏ的汤浪费吗），小心奕奕落埋红醋一啖咬落去，味道／料虽无乜特别，汤颇甜，但能做到真正「灌汤」ｏ既饺，分数我系比唔少ｏ架！
四宝扎、牛柏叶、凤爪、叉肠、蛋挞仔：一般酒楼ｏ既点心，相比之下，觉得四宝扎都几好「油水」，可能系有一旧大肥鸡啦，好油下；
牛柏叶，见太上老君好耐无食过来一个柯打，食落唔韧够淋身入味；
凤爪，虽只得寥寥几只加一旧吸味生根，但只只凤爪都颇巨下，唔怕蚀，另最爱吸味生根，精华之所在；
叉烧肠，热辣辣，皮薄馅多，甜豉油，选择之一；
蛋挞仔，我就一个都无食过，少爷仔一手一个，将自己个口塞得满满，睇怕唔会差得去边ｏ既！
见尚有「空档」，即管叫个脆皮乳猪医口痕；爽呀，脆到笑，就连嚷住要走ｏ既少爷仔都搅得掂，仲同我地争食添！
服务都唔差㖞，有礼貌、勤力；总好过一般酒楼「视而不见听而不闻」作风丫。
茶正浓、人情味更浓．．．系时候叹番两杯，怀旧一下先！
（无缘试西米布甸，只能晚市预订．．．）
张贴
