影片
更多
2018-04-01
1430 浏览
讲真，圆圆虽喜爱茶餐厅的奶茶、鸳鸯，但对于成间都系充满男人味既茶记就有所保留，就算揾食都好快食完就走，地下有黏笠笠既就更加唔会入去，好简单我只系想舒舒服服食番餐安乐茶饭之嘛！上星期去湾仔Mira Moon酒店探两位鬼鬼朋友，佢地就话想食本土local野，落楼行向铜锣湾方向，两、三间铺位，见有间新装修茶记叫「和记餐厅」，里面既凳，椅都好特别，吊灯好雅致，睇得出个老板系一个有品味既人，见间餐厅几干净，正前方大墙系纸皮石阶砖，有幅富有香港特式既画作；鬼鬼朋友们即说Hey Why not here，佢地似乎好想系呢度食，于是我地就在近街的窗口位坐下。睇下餐牌，价钱竟然同我屋企附近茶记一样，仲免费包埋即磨咖啡，加3蚊鸡就有埋椰汁红豆冰，湾仔有咁样既价钱，正呀！好，一于叫茶记野睇下得唔得先！ 叫左银芽肉丝炒面、印尼炒饭、XO酱猪颈肉炒公仔面、瑞士鸡翼配沙律、烟肉卷夹牛角包、碎蛋夹法包，西多士，饮品叫左椰汁红豆冰、奶茶、滚水蛋，份量唔少，卖相企理，水准我会比9个赞，性价比相当高，原来全因有个嫌尖老板娘Cherry，叫佢老板娘好似又老得滞，因为佢属于80后系做左20年既OL。 当然识食唔系必然，要有班
叫左银芽肉丝炒面、印尼炒饭、XO酱猪颈肉炒公仔面、瑞士鸡翼配沙律、烟肉卷夹牛角包、碎蛋夹法包，西多士，饮品叫左椰汁红豆冰、奶茶、滚水蛋，份量唔少，卖相企理，水准我会比9个赞，性价比相当高，原来全因有个嫌尖老板娘Cherry，叫佢老板娘好似又老得滞，因为佢属于80后系做左20年既OL。
当然识食唔系必然，要有班高人做后盾，Cherry有班劲姨妈，系主理西湾河「和记餐厅」班前辈，高峰时期，「和记餐厅」曾经有12间分店，不过始终茶记系辛苦困身行业，好多时都后继无人，但Cherry就希望传承下去，于是在家族帮忙底下，向各位阿姨们学师，由零知识，零经验，到如今由食材、器具采购，收银、招呼客人、外卖落单，事事都要落手落脚，亲力亲为，创业真不易，幸好，Cherry有个好帮手，系「金茶皇」比赛嘉宾评判之一既陈贵生师傅，30多年水吧经验，令我地呢种有要求既食客就有机会饮到正奶茶。听老板娘讲，在附近工作的酒店员工，落场时候都会来叹杯即磨咖啡，吃个套餐，有时早、午、黄昏都见到同一班人，可想而知食物有相当质素。
80后既Cherry令茶记的形象改变不少，Cherry话玩social media系其一，另外餐牌饭名又可以搞搞新意：「好似平日午市套餐既粟米肉粒饭，我就叫佢做Show Me Your Love，人人都估系乜野黎，于是好奇之下个日既《粟米肉粒饭》就第一时间卖晒！又好似下午茶时段，有个叫《寂寞的鸡扒包》，因为，无敌是最寂寞，即系超级无敌好味道啦！」
墙身系纸皮石阶砖，有幅富有香港特式既画作，有香港情味。
银芽肉丝炒面、印尼炒饭、XO 酱猪颈肉炒公仔面都系 $48，大大碟，足料又抵食。
印尼炒饭有西班牙腊肠、爽滑虾仁、蟹柳，那天食唔晒，拎左返屋企比印尼工人姐姐食，差 D 打烂佢个无猪砵添！
XO 酱猪颈肉炒公仔面肉质弹牙
奶茶饮落喉咙，系舌头之中有回甘既感觉，果然茶王水准，我呢个对奶茶有极高要求既人都好满意呀！
无敌是最寂寞的《寂寞的鸡扒包》
食得出系冇味精豉油的瑞士鸡翼
脆口肉香既《和记特式牛角包》
邪恶劲厚西多士$25叫套餐加3蚊鸡就有埋椰汁红豆冰
老板娘Cherry以贴地价钱，将姨妈创立既老字号注入新意，好似那《芝士面餐》的芝士面就系跟那正宗韩国品牌入货，好多OL、女生们呀都爱order这个。
滚水蛋可以系呢度揾都到呀！
新思维做港式餐厅生意，跟支付宝、八达通、系网上外卖平台合作，面书 update餐单。
早餐唔再只系得唔健康既选择，有鲜奶麦皮，仲有用几十斤蕃茄煲出黎既通心粉汤底。
上面书专页可以睇到即日餐单
营业时间：早七至晚七
地址：湾仔谢斐道392-402号维新大厦地下E舖
其中餐牌
张贴
