佳寧娜潮州菜

营业中

休息中

星期日朝早11点几去到，好少人，大把位。有特价点心、细细碟小菜同糖水，全部$12。虽然选择唔多，但系都叫到7样(记唔哂名，包括菜包、煎肠粉、椒盐九肚鱼、杂锦清心丸、芋头西米露等，重有一味番薯芋头甜点)。另外再加一碗蚝仔粥($28)。真系有喜出望外，样样都有水准。我最钟意九肚鱼，椒盐落得唔重手，粉浆唔多而里面鱼仍保持软滑。老婆同外父就最钟意味番薯芋头，芋头好粉，番薯亦靓。埋单$194，计起茶芥成$64(未计加一)，咪话唔拿俐。不过好食，围起每人$50有找(我四个人)，已经食得好饱，而且唔驶等位，都算食得过。