翠河餐廳 (已搬遷) 新店位置

趁地铁有半价优惠，搭车搭到老远到利东行山 - 玉桂山，行山前要食个饱饱，咁先有气有力行嘛!!💪🏻利东商场选择比较少，我地拣左个就脚既翠河。翠河舖大环境宽敝，拣个卡位坐低，侍应姐姐放低两杯水，餐具柜桶自取。系茶记多数都会选择常餐，贪佢配搭够多！拣左个五香肉丁米粉、配厚多士火腿鲜果沙律，加杯茶走。味道正常，沙律都新鲜，茶记一贯既水准！厚多士坚厚同烘底，算系有诚意之作！朋友仔叫左个干炒猪扒公仔面，炒得都干身唔多油，扣分位系佢无餐跟，另加冻饮加$10。两位埋单盛惠$102，合理价位吧！