蘭亭咖啡閣 (已結業)

今日跟太座嚟呢间老牌茶记帮衬。冇叫面包蛋挞，亦冇叫茶餐或常餐，有点儿后悔...反而叫咗两个碟头饭。驰名嘅咖喱牛腩饭，咖喱汁望落颜色深深，但用羹哔起嚟却感到偏稀，食落亦感到唔够浓稠，辣度OK够，牛腩炆得唔够淰亦唔够入味，总括嚟讲只算极普通...太座似乎唔多满意自己叫嘅鲜茄蛋牛饭。自己试了几口，蛋算滑，肉虽有经梳打洗礼，但未致于肉味全失，反而番茄嘅份量真系唔多够。自己就觉得未至于太差，但太座就好似唔多老黎，可能佢比较喜欢D蛋跟D饭兜乱罢...茶走非常出色--- 香、滑且冇涩味，系近期饮过嘅比较出色之作...睇嚟未试埋佢哋嘅面包蛋挞及茶餐，绝未可盖棺定论...