新記冰室 (已結業)

呢间茶记位置极方便。咁耐都无留意原来朗豪坊隔离就有间又平又好食嘅冰室。💛嚟到一定要食招牌菜 芝士捞公仔面，超浓嘅芝士汁布满成碗面！芝士汁猪颈肉煎蛋捞公仔面 $56猪颈肉嘅表面微微烧焦，肉嘅份量极多！精粹系面头只流心荷包蛋，蛋白煎到金黄，蛋黄汁流落去同芝士汁捞均同面食。我另外加咗小食，炸鸡翼 （5只）$36，味道不过不失，胜在份量多，好够饱。红豆冰 +$12近排天气咁热想饮返啲冻野，比起台式饮品，我更钟意饮返啲地道野饮～红豆冰嘅奶味香浓，红豆绵密够淋。除咗普通红豆冰，仲可以拣奶茶红豆冰。除咗招牌芝士面之外，呢度竟然仲有all day breakfast！价钱只系$65，系平时cafe嘅半价，超抵。上网睇图发现港式all day breakfast 都好正好足料😂 可惜今次自己嚟食唔到咁多野，下次可以同朋友嚟share。