影片
更多
2015-05-04
1698 浏览
未黎过当然要试试啦，而且系大埔只有几间餐厅有生蚝供应呢！主打生蚝既餐厅，menu 上例出生蚝几十款，吓得吓人㖞。但系都要视乎季节同供应，唔系全部都有架呢 ﹗好似我本来专程黎食既 Belon 话唔啱季节，要等多一星期先有，劲失望！遇唔到蚝中之皇添！虽然骤眼望个内笼系西餐厅部局，但细看配搭同报置有点娘，茶记味道浓厚。花多眼乱，又唔知边只有供应，最后唯有食啲未试过架啦，问问侍应哥哥介绍其款法国既。France Pousse Claire、France Ancelin、France Gillardeau 生蚝，顺时针食，由海水味淡至浓，头两款味道清新，淡淡海水味道，口感 creamy 边位略带爽口，好味道 ﹗最后一款海水味浓郁，对我黎讲好咸，口感较为爽口，after taste 较长。三款法国都好肥美，另外仲有一款系跟餐既澳洲 Cofin Bay，味道较清淡，肉质较薄而爽，免强接受。生蚝一般都系跟茄汁同鲜柠，而我只需要鲜柠调味就足够喇。谂起十几廿年前初食生蚝时都会落大量茄汁架。意大利什菜汤，跟罗宋汤差不多，但配菜均爽口，唔会煲到腍晒，味道清淡带什菜及鲜茄味，合格，个人比较钟意浓汤。餐包外层非常
未黎过当然要试试啦，而且系大埔只有几间餐厅有生蚝供应呢！主打生蚝既餐厅，menu 上例出生蚝几十款，吓得吓人㖞。但系都要视乎季节同供应，唔系全部都有架呢 ﹗好似我本来专程黎食既 Belon 话唔啱季节，要等多一星期先有，劲失望！遇唔到蚝中之皇添！虽然骤眼望个内笼系西餐厅部局，但细看配搭同报置有点娘，茶记味道浓厚。
花多眼乱，又唔知边只有供应，最后唯有食啲未试过架啦，问问侍应哥哥介绍其款法国既。France Pousse Claire、France Ancelin、France Gillardeau 生蚝，顺时针食，由海水味淡至浓，头两款味道清新，淡淡海水味道，口感 creamy 边位略带爽口，好味道 ﹗最后一款海水味浓郁，对我黎讲好咸，口感较为爽口，after taste 较长。三款法国都好肥美，另外仲有一款系跟餐既澳洲 Cofin Bay，味道较清淡，肉质较薄而爽，免强接受。
生蚝一般都系跟茄汁同鲜柠，而我只需要鲜柠调味就足够喇。谂起十几廿年前初食生蚝时都会落大量茄汁架。
意大利什菜汤，跟罗宋汤差不多，但配菜均爽口，唔会煲到腍晒，味道清淡带什菜及鲜茄味，合格，个人比较钟意浓汤。餐包外层非常香脆，我平时都唔会食包，但依个加埋牛油真系好食㖞 ﹗
香煎黑毛豚肉配芥苿黑椒汁，成日食牛好闷，转转口味先得。豚肉煎得香口，质感软棉有赵口，肉味浓郁且肉汁非常丰富，点汁或净食都好好味。个芥苿黑椒汤汁调得太稀㖞，似帮黑毛猪冲身多啲，浸一浸就放入口，味香但不辣。伴碟薯蓉较粗糙，我较喜欢幼滑一点。用薯蓉卷住黑毛猪柳同吃，依个配搭都好正，超好味 ﹗
黑松露芝士蘑菇意大利饭，落错单啦，我地系叫会意粉架﹗我地两个同样对 risotto 麻麻，不论港式或意式。老板著晒火嚷著要走，本来佢已经唔多钟意食西餐架喇，唔换喇，照食。有 Risotto 既外貌，但无灵魂。芝士味跟蘑菇味同样阴沉，香气不足，黑松露完全感觉唔到，饭就煮得不错，意式脆口有赵头。老板食左啖唔食，乸埋块面，我硬食左三四口，放弃。煮得唔太差，合格既，系我地不太喜欢啫。暂时食过较满意既 risotto 系又一城 little italy！
张贴
