南豐餐廳

营业中

休息中

晚餐时间又到啦，左谂右谂都唔知食乜好，就入左茶餐厅食，见到门口餐牌有鳯梨咕噜肉（即系菠萝生炒骨）就真系吸引左我入去，当然真系有点到呢味𩠌，煮得都唔错，唔会好溜，有时好怕食到啲太酸，太油，呢个就完全无呢啲问题，但唯一想佢改善既地方系有啲肉位过瘦，不过整体都Like!，另一个𩠌就叫左三色蒸水蛋，老实说我原本可以比4星，但因为诚实既人要说诚实话，呢个水蛋，我无谂到会有肉碎，因为餐牌写左健康素食，所以其实味道系ok，都够滑，就只系个标题同实际有出入，希望餐厅会留意到，如果真系有肉，应该同食客讲一声会比较贴心。