貳號冰室

营业中

休息中

今日去咗间叫“贰号冰室（旺角）”嘅餐厅，就系银行中心隔离一入到去，餐厅环境都几有港式冰室嘅feel，绿白相间嘅装修讲下嘢食啦，嗌咗个“鲜蕃茄鸡粒通粉·炒滑蛋/套餐，价钱$42。𠮶个蕃茄鸡粒通粉，汤底浓浓嘅番茄味，通粉煮得啱啱好，唔会太腍，鸡粒都几多下，咬落去有啲口感，不过如果蕃茄味再酸啲就更正啦，感觉有少少偏甜。炒滑蛋真系超级滑，好似食紧云朵咁，蛋香十足，配埋个上面撒咗黑芝麻嘅日式汤种包，包软绵绵，黑芝麻又香，简直系绝配。仲有杯奶茶，茶味浓郁，奶味又够香滑，冲出嚟𠮶啲泡泡都好靓，不过就觉得有少少偏甜，如果可以调节甜度就perfect啦。总体嚟讲，呢间冰室嘅嘢食都几有水准，价钱都合理，下次可以再嚟试下其他嘢食。