龍城冰室

营业中

休息中

近几年香港真系开咗唔少比一般茶记企理嘅冰室。呢次行过见到午市都有得锯扒，决定一试！扒类款式几多，连较少有嘅羊架都有，杂扒亦有好几款。我哋女仔想豪得嚟又冇咁大脂肪债，所以拣咗eye-catching得嚟又「少肥」啲嘅龙虾杂扒。铁扒唔系真系话超级大，一个人食会较饱，但都系食得落嘅程度。menu老实咁写明系半只龙虾，但厨师摆得靓靓，影相打卡依然壮观。肉几爽口而且唔腥。厨师喺唔破坏龙虾外观嘅情况下鎅开外壳，一把刀，一只叉，钳位大大嚿肉轻易取得！龙虾当然系主角，但其他海鲜都好吸引~所有海鲜都唔腥，不过可能铁板余温嘅问题，影完一轮相，啲肉已经唔太juicy。鱼扒沾蛋浆煎过几香，几上汁。铁板可以跟饭/意粉/薯菜。见到焗薯个皮洗得咁干净就好放心连皮食，上面嘅沙律酱唔似平时食𠮶种，冇咁漏，几好食~餐汤拣罗宋汤，几香几浓，有牛尾味。安慰住自己个铁板系同人share，好放肆咁叫咗杯红豆冰。用黑白淡奶冲当然系信心嘅保证。红豆够腍，唔太甜，红豆唔算大粒，系典型茶记嘅取向。呢间茶记价钱几实惠，普通常餐𠮶啲都系四五十蚊有汤有饮品，可以话系铜锣湾恩物。