榮記茶餐室

营业中

休息中

由细到大都好钟意食沙嗲牛肉面，依嫁坊间有好多沙嗲煲仔牛肉面，但一路都未有机会去试。今日特登嚟呢度试吓佢好出名嘅特浓沙嗲煲仔面，睇吓同平时嘅茶记沙嗲牛肉面有啲咩唔同先！一入座感觉只系普通嘅街坊茶餐厅，座位只有二十多个较逼夹，但系呢度嘅服务好好，见我哋坐得迫，（有人走）主动问我哋需唔需要换卡位。呢样嘢绝对值得加分。我地叫咗两个”真.沙嗲煲仔面”，一个系沙嗲牛肉，另一个系沙嗲米粉配鸡扒。以煲仔上嘅沙嗲面一放低就见到㷫烚烚，刚滚起拎出黎咁样，香浓嘅沙嗲酱扑鼻沙嗲牛肉面面质偏稔，面条好入味，入口沙嗲味十分香浓。牛肉系用新鲜牛肉整嘅，份量多且肉稔，好滑，完全冇筋或者咬不开嘅感觉。味道一流，绝对值得一试。米粉相对更容易吸晒沙嗲汁，味道好香浓，啖啖都系沙嗲味，每条米粉都好似挂住粒粒花生及沙嗲酱汁。亦都因为米粉比较朔水，所以沙嗲汤会偏少。而鸡扒就正常货色，会建议选择牛肉。果然同一般茶记嘅沙嗲牛好唔同，分量多啲、够浓味、牛肉多1倍。沙嗲牛爱好者一定会再黎食。