順景茶餐廳 (已結業)

讲到湾仔最多咩食肆，可能系非茶餐厅莫属，有老字号，有新派，梗有一间系附近。我留意左顺景茶餐厅好耐，一到lunch时间，门外总排著一条人龙。虽然外貌不扬，但实力非凡，令我十分满意。见到多人赞赏焗猪扒饭，想也不想就要了焗猪扒饭，果然味道唔错，同大家乐既味道绝对唔同，系港式焗饭既味道，有好香鲜茄味，显然没有加入茄膏，味道清淡许多。而猪扒也有数块，肉质稔身，腌得味道唔错，配合炒饭底，抵食。焗鸡扒意粉，味道上鸡扒比猪扒更好味，因为猪扒虽稔身，可是厚度不足，薄薄一片，但鸡扒则有实感得多，而且比猪扒更加入味，意粉则以茄汁炒过，再放入焗炉再焗，好有港式茶餐厅风味。最后以一杯热奶茶作结，香浓，顺滑，有质素，可是唔够热系致命点。整体价钱实惠，值得一而再去帮衬，38蚊连冻饮，可以去边到揾，对网民推介的干炒牛河带有浓烈的兴趣。更多资料：http://hk.myblog.yahoo.com/zysk-c/article?mid=1943