半島冰室

营业中

休息中

今日做一次叶朗程，去半岛食饭。唔系尖沙咀果间，系北角既半岛冰室！其实都系朋友介绍，第一次来。2点9下午茶时段，全场爆满，幸好有枱卡位走左我地先至唔驶等。见好多人都系C餐【猪扒煎蛋印尼捞面】我冇头绪就照跟啦，同事就拣【芝士番茄焗牛脷饭】。个面大部分都系预料之内，面底真系食开既印尼抵X面，一个面饼For 下午茶都好合理，煎荷包蛋好正常，我惯常咁一野笃穿蛋黄来捞面。但整个面惊喜喺执煎猪扒度！可能煎之前系搽左浸薄薄既面包糠同蛋，猪扒表面层脆皮煎得㶶㶶地，厚薄均匀，质感有别于平时食既煎猪扒，仲有蛋香，肉身腌得软硬适中，不会干也不会太淋，系一块高质猪扒，而且面积唔细添呀。至于个牛脷饭，同事竟然话个焗饭饭底好食过大集团既七哥猪扒饭，芝士同番茄都焗至微㶶，牛脷面积同样系超乎意料咁大，而且相当入味。一路食一路睇下餐牌，有好多惊世发现，咩D24榴梿厚西多，松叶蟹钳芝心酿虾胶沙律等，创意可嘉，下次会再黎试。