喜茶 (荃新天地)

营业中

休息中

相信大家对呢间都唔陌生，近排开返唔少分店，呢间位于荃新天地，标榜自己真奶无奶精、真茶无茶粉、真果无香精、真糖无假甜，经过都有唔少人排队，需等候一段时间先攞🉐个人最钟意呢度嘅芝芝系列，虽然价钱相对较贵，但绝对值得饮呀！上层系浓厚嘅芝士奶盖，咸香味十足，剩食已经好满足，千祈唔好搅匀佢住，唔系嘅话就嘥晒啦🥹下层分别系多肉青提同多肉葡萄口味，味道唔假，水果味出，果香气扑鼻而来，饮落亦咬到粒粒新鲜水果，增添口感，同芝士混合后又系另一番风味，两款各有千秋，值得一试！