六和冰室

营业中

休息中

上星期，去银行，办完事情饿似狼，沿路揾食见到呢一间，装修怀旧多空间，卡位分开4人和6人，分别座落墙边站，几乎坐满了人家，中间基本上是圆形大细台，却是无人坐著空等闲，我亦庆幸把握到时间，一张4卡一人霸，拎住餐牌看清单。时值下午茶的时间，清单名目多嘢拣，附相餐单只影三分二，涉及我所叫嘅茶餐，另有三分一项目，写在另一页空间。双并粉面加热饮，银子只是三十二，麻辣水鱿更合我心意，多畀三银少意思，加上沙嗲牛肉面，配上奶茶甜丝丝。杯茶嚟到色泽深，啡糖落去沉一沉，奶脂浮面好吸引，香浓唔苦仲挂杯，好难遇到咁高质。再嚟双并牛肉面，面质爽滑够烟韧，牛肉确有沙嗲味，麻辣水鱿有惊喜，爽口弹牙无淡味，明显腌过够贴地，虽则食唔到麻辣嘅滋味，仲有鱿鱼骨段要抽离，但系我都会再嚟，全因味道啱我嘅口味。下次再同各位分享好美食，希望你哋觉得值。