聯發茶餐廳

营业中

休息中

茶餐厅嚟讲一入到去感觉算比一般茶记干净企理，伙记服务爽手又友善。食物比一般茶记加入少少新意，但亦会不失传统，亦有心做好食物。法兰西多士🍞睇落好厚身，四四方方好治愈😆，温度微暖，所以唔会一上枱牛油溶到见唔到。基础同普通港式西多士一样，入面系粗粒花生酱馅，炸得都干身香口，唔会油林林。炭火叉烧煎蛋饭🐷🍳🍚骤眼望落去叉烧比较瘦，但食落系比外观好嘅，唔系半肥瘦个种油香软林嘅叉烧，而系爽林嘅质地，有少少爽嘅筋同肉嘅纤维质感但唔会干鞋，但就应该唔系炭火烧过，只系名系咁叫，因为睇落冇炭烧嘅焦脆边同香气🤨煎蛋煎得好靓仔👍🏻蛋白熟晒又好脆口，蛋黄流心😋甜豉油会另外比你按自己需要加，整体嚟讲质素唔错，但觉得饭稍为软咗啲，粒粒分明啲会仲好🤔炸午餐肉配蛋黄酱午餐肉上洒上砂糖去中和午餐肉嘅咸，佢嘅午餐肉本身唔会过咸呢点唔错，其实配上砂糖咸咸甜甜又有砂糖脆脆哋嘅口感再加埋蛋黄酱嘅油脂香同微酸系ok的，而且用嘅蛋黄酱质素都唔错，但败笔在于午餐唔够脆身😮‍💨，如果午餐脆啲，同埋砂糖同蛋黄酱平均啲啲落午餐肉到/蛋白酱分开上比客点会比较好😬另外叫咗热奶茶，正常质素，都几好饮嘅。