影片
更多
2015-05-21
645 浏览
全女班职员㖞，我讲紧全部系阿姐大婶，哈哈。人家新年第二次上黎揾林德记，点知依家先见到贴左张告示休息到初十呢。唯有求其见对面有位就坐低啦，又系即食面？是但啦！有缘帮衬您地，第一次黎唔知依度食咩架呢！左睇右睇，揭来揭去，真系毫毛头緖。最后决定肠仔猪扒出前一丁啦！隔离早过我坐系度既哥仔听到我叫，佢又跟我叫，您咪跟风好㖞！姐姐们招乎尚算周到有礼，满意。肠仔猪扒出前一丁，都等得几耐吓，希望慢工出细货啦！终于都黎喇，但块猪扒呢？原来未炸好。炸香肠正呀，试啖先，外皮好香口，但最衰系怪味肠呢！出前一丁煮得满意，够晒热，质感无过腍，而且微微吸收左汤汁既味道，明显地汤同面系一齐煮先有咁既出品，面条已染上颜色，并不是白雪雪的，要慢火细煮，有 heart！好味！试左啖原味出前一丁，当然轮到辣椒渣捞面啦！辣椒微辣而非常香口，捞得过。仲送左条生菜伴碟，鲜爽多汁，正！汤底亦染上少少生菜味道，好有屋企 feel，细个阿妈煮亲即食面都会掉几片生菜一齐煮呢。食完碗面几分钟块猪扒都仲未到，好采今日放假唔赶时间啫。万众期待既炸猪扒终于黎喇，咁架乍？睇个外观顿时失望。炸猪扒上面似乎有黑椒同五香粉，原来只不过系碳屎，𪠳！味道好普
全女班职员㖞，我讲紧全部系阿姐大婶，哈哈。
人家新年第二次上黎揾林德记，点知依家先见到贴左张告示休息到初十呢。唯有求其见对面有位就坐低啦，又系即食面？是但啦！
有缘帮衬您地，第一次黎唔知依度食咩架呢！左睇右睇，揭来揭去，真系毫毛头緖。
最后决定肠仔猪扒出前一丁啦！隔离早过我坐系度既哥仔听到我叫，佢又跟我叫，您咪跟风好㖞！姐姐们招乎尚算周到有礼，满意。
肠仔猪扒出前一丁，都等得几耐吓，希望慢工出细货啦！终于都黎喇，但块猪扒呢？原来未炸好。炸香肠正呀，试啖先，外皮好香口，但最衰系怪味肠呢！出前一丁煮得满意，够晒热，质感无过腍，而且微微吸收左汤汁既味道，明显地汤同面系一齐煮先有咁既出品，面条已染上颜色，并不是白雪雪的，要慢火细煮，有 heart！好味！
试左啖原味出前一丁，当然轮到辣椒渣捞面啦！辣椒微辣而非常香口，捞得过。仲送左条生菜伴碟，鲜爽多汁，正！汤底亦染上少少生菜味道，好有屋企 feel，细个阿妈煮亲即食面都会掉几片生菜一齐煮呢。
食完碗面几分钟块猪扒都仲未到，好采今日放假唔赶时间啫。万众期待既炸猪扒终于黎喇，咁架乍？睇个外观顿时失望。炸猪扒上面似乎有黑椒同五香粉，原来只不过系碳屎，𪠳！味道好普通乍㖞，无咩调味，是系块落左炸粉既炸猪扒，都食到猪肉原味既，可能配点汁会好食啲，合格既。
张贴
