更多
2017-10-29
301 浏览
今日呀妈唔煮饭,我地一家四口念住求其去茶餐厅医下肚,点知呢度晚餐唔系一般茶餐厅咁简单,直程好似大时大节成班亲戚一齐去酒楼食个啲套餐,但价钱却好亲民,佢地做紧个海鲜三宝优惠,一条海斑都系$88,仲好高水准。我地四个每人叫左一个晚市套餐,可以用优惠价试两宝。鱼蒸得啱啱好,骨位冇唔熟,但好滑。而另一宝我地叫左炒蚬,睇相应该都睇到好大粒,好厚身,冇沙,而豉椒都冇抢左蚬嘅鲜味。可惜如果我有多两个弟妹,就可以叫埋最后一宝嘅避风塘炒蟹。唔紧要啦,会再黎食再试!讲下晚市套餐啦,相比起两宝就冇乜特别,不过我本身唔系好中意食太咸太浓味嘅中菜,因为食惯妈咪健康住家饭,而呢度每碟味道恰到好处,又够锅气。唯一美中不足就系碟椒盐猪扒拼鲜鱿,鲜鱿炸粉太多。呢度海鲜咁好食,厨师师傅下次唔好咁重手呀。整体黎讲,我好欣赏呢度嘅海鲜,其他都超越普通茶餐厅嘅水准。下次可以提议亲戚过节黎食,代替平时去个啲酒楼。
我地四个每人叫左一个晚市套餐,可以用优惠价试两宝。
鱼蒸得啱啱好,骨位冇唔熟,但好滑。
讲下晚市套餐啦,相比起两宝就冇乜特别,不过我本身唔系好中意食太咸太浓味嘅中菜,因为食惯妈咪健康住家饭,而呢度每碟味道恰到好处,又够锅气。唯一美中不足就系碟椒盐猪扒拼鲜鱿,鲜鱿炸粉太多。呢度海鲜咁好食,厨师师傅下次唔好咁重手呀。
整体黎讲,我好欣赏呢度嘅海鲜,其他都超越普通茶餐厅嘅水准。下次可以提议亲戚过节黎食,代替平时去个啲酒楼。
张贴