五星餐廳

营业中

休息中

一向系茶餐厅fans, 上个礼拜同朋友系湾仔行完街发现这间五星茶餐厅就决定一试!最后决定同朋友叫左五香肉丁炒饭,椒盐九肚鱼同蒜蓉白菜仔.等候时间唔算长,而且店内有两部大电视,等候时间可以睇法证先锋!唔错唔错!惊喜之处在于上菜前晚餐既例汤,是日例汤系南瓜汤!南瓜几入味,而且油分唔多,因为老板娘话佢有亲自隔油,个饭前汤感觉上好健康,而且好有住家汤感觉,绝对唔求其!五香肉丁粒配菜丝抄饭.呢个饭好适合喜欢吃辣人士!而且份量好多,一个人一碟饭绝对已经有饱肚感觉正正正九肚鱼!九肚鱼本身好滑身,而且无乜骨,入口感觉好滑,加埋酸甜汁真的不错当日九肚鱼差唔多卖洒,老板娘有补番几件椒盐鱿鱼比我地,鱿鱼都唔错!不过始终系炸既,食耐左口会干,好彩有冻柠茶解渇蒜蓉白菜仔!跟平日的蒜蓉白菜差不多总括而言,再一次显示茶餐厅快靓正既魔力,等候时间唔长,食物亦唔错,食完好饱肚好满足.下次去应该会试石头锅仔类既菜,因为见到隔离枱叫左,个石头锅炸到沙沙声,好香好吸引!老板娘亦好亲切,加分!