佳記餐廳 (已結業)

约咗人去良景商场，之前好似无踏足过呢个商场，本来上Open Rice见有间推介日本刺身寿司，但去到原来堂食唔多方便，主要做外卖，所以无目的咁行，见到呢间佳记餐厅，当时六点半左右比较早，无乜人就坐低。卡位都几好坐，灯光光猛，黑白云石枱唔知点解望落去好污糟、油立立，于是自己清洁。餐牌见有扒餐，于是试吓铁板黑椒鸡扒同牛柳，问落单姐姐薯菜唔要薯条，要杂菜，佢答薯菜得薯条，于是专登叫多碟蒜蓉西兰花。餐跟罗宋汤同餐包，正常无乜特别；黑椒鸡扒份量都几多，味道ok，牛柳叫五成熟，嚟到应该七成，但肉质淋身、鲜嫩，茶餐厅质素尚可。最惊喜系跟餐伴碟好多椰菜、半件蕃茄，同姐姐讲唔同，早知唔使叫多碟菜。蒜蓉西兰花细细碟，味道不错。茶餐厅质素，价钱唔算平，但同朋友坐下倾下计尚可。