茶餐廳2.0 (已結業)

去完Ikea买野已经好肚饿, 行去就近既愉景新城揾食, 愉景新城咁大第一时间睇水牌, 食街就喺天桥𠮶层入口向右行就系, 见到"茶餐厅2.0"就睇下佢有几"2.0"😂😂😂新式茶餐厅当然都有常餐, 儿童餐, 港式扒餐, 石窝系列都好吸引, 下次想试下个"2.0叉烧煎蛋饭"。 🔸扇贝大虾意大利饭🔸 ⭐⭐⭐⭐石窝会烧热咗先上枱, 就算过咗一段时间都仲系好热, 而且仲会有少少香口饭焦, 酱汁系好浓郁既龙虾汁, 加埋弹牙大大只虾同扇贝当然无得输。🔸纽西兰肉眼扒🔸 ⭐⭐⭐⭐原本想食美国安格斯, 可惜咁啱卖哂无得食, 就拣咗纽西兰肉眼扒。 肉味都好浓, 茶餐厅质素黎讲算唔错👍 配既系粗条脆脆薯条, 我地拣咗蒜蓉汁, 要黎点牛扒或者薯条都好味。🔸苹果金宝鸡蛋仔🔸 ⭐⭐⭐⭐⭐令我地有意外惊喜既甜品, 起初见到茶餐厅有鸡蛋仔咁新奇谂住试下, 睇相见到有苹果金宝已经好吸引, 酸酸甜甜既苹果蓉配脆鸡蛋仔一齐好好味, 绝对推介👍