小曼谷泰國美食 (已搬遷) 新店位置

上个星期, 一行三人去左小曼谷食晚饭, 一到门口见到入面既格局好似茶餐厅咁, 有少少却步, 但见到门口好多人等位, 心谂野食都应该有保证。因为环境似茶记, 所以硬系盈住d service应该都会好求奇, 仲以为要等到2046。点知出乎意料之外, 又几快有位㖞。入到去, 见到D人叫到成枱满晒, 好似唔使钱咁, 然后一打开menu,好多野都好想食, 就知点解D人叫咁多野。首先见到枱枱都有叫蒜蓉包, 就叫啦, 咁我又觉得如果要食泰野就要试D咖喱, 相比起饭, 我觉得咖喱点蒜蓉包应该会更好, 所以就点左黄咖喱鸡去配蒜蓉包。卖相有茶记FEEL, 咖喱唔算辣但都几足料, 有洋葱同薯仔是常识吧。两样都够煮得几腍, 不过D鸡就唔够肉, 咖喱唔算稀, 但可以再杰D。蒜容包热辣辣就最正, 因为点咖喱既关系, 所以食唔到蒜蓉味, 我谂我本身既念头系错。但睇个样, 有好多蒜蓉系包面, 并唔系得中间少少, 最后一碟我地都唔够, 要额外叫多碟。另外见人地枱上面都有D波波咁样既小食, 就叫左呢个炸芝士虾球, 好大个, 食一个都已经够晒, 我地得三个人, 食第二个果阵好痛苦, 芝士味唔浓，质感亦唔算话好芝士。