Solé (已結業)

见咁多好评贪方便订咗同老公庆祝生日，非常失望。八百几蚊一餐饭，我无期望有真正fine dining 嘅体验同质素，但全程由服务到食物都系茶餐厅嘅质素。1. 餐具全部都花晒，衰过茶餐厅，老公风趣问侍应知唔知solè点解，侍应话唔知🤔2. 全间餐厅得四枱客，侍应长期唔见人，问佢乜都话唔清楚。同枱客人系外国人，但佢全程介绍食物用中文，叫佢用英文佢一句唔好意思就行开。3. 上菜次序错晒，starter上完先比餐包，问佢攞碟食餐包，乜都无讲但突然攞走餐包，然后突然就上咗碗汤，一头雾水。starter求其夹啲嘢加几条草就话系starter ，我敢讲我求其系M&S买个platter都靓过佢。4.主菜，我咁大食真系第一次连份量咁迷你嘅法国餐都食唔晒一半，因为喊到我饮咗大半支sparkling water. 好少失望到要突登写食评。仲要拣嚟庆祝生日，后悔莫及。五月份播圣诞歌，问你死未，如果无心做，唔好揸住法国餐呢个名呃人。