銀龍粉麵茶餐廳 (已結業)

工作中嘅午餐！到场已经九成满！为咗要睇车！等到窗边大卡位！地方普通茶餐厅格局，几干净！不过无😋厕所！要行到几远商场内嘅公众厕所！位置唔方便同几污糟！叫咗：越式九层塔猪颈肉炒米粉（$35）--跟餐罗宋汤热柠水先上个汤！温度够热！但比平时浠！同埋味道淡咗！而且汤料亦少了！热柠水正常到个炒米粉上枱！居然卖相唔错！好干身！睇得出即炒！米粉炒得松！唔干又烟烟韧韧！猪颈肉切条！爆香过！唔会过咸！亦唔会干嚡，自己好钟意九层塔独特嘅香味！不过呢度九层塔放得唔算多！幸好整体炒出来个效果好！唔错！食物好快上，上碟时连辣椒酱一齐上！但到同事都系食炒粉面！就无跟上辣椒酱！可能个别侍应细心度不同,侍应都好爽手勤快！我揾到个卡位都即刻帮我收拾好！