紅茶冰室 (已結業)

今日来到荃湾做野，做到两点几先得闲食饭，行行下见到呢间冰室式茶餐厅，就入黎食个面啦。餐厅面积都几大，楼下坐满可以上阁楼，但因为过咗午饭时间，所以唔算多人。餐牌够晒多选择，懒得谂之下叫咗特餐，有我最爱嘅沙嗲牛肉面，火腿奄列及牛油厚多士。多士即叫即烘热辣辣，食落松脆，火腿奄列幼滑，内里火腿丝够多，沙嗲牛肉味道好浓，牛肉唔会煮得太韧，公仔面够爽口，混埋沙嗲汁食好好味。食完再叹返杯咖啡，又可以为忙碌嘅下午做足准备。