影片
更多
2021-08-07
1264 浏览
第一次光顾呢间茶餐厅, 本身无特别期望。如果由银鑛湾渡假酒店出发, 慢步只需5分钟, 好近。我去到的时间系1:30pm 星期一, 竟然坐满人, 岩岩好有一家大细5-6个食完, 估计系因为暑假学生放假, 等几分钟就坐到卡位(睇图)。讲食物先吧, $40无加一, 叫左「全餐」(睇menu图)蕃茄汤火腿通(我转左普通公仔面, 唔洗加钱)配2只煎荷包蛋+ 茄汁豆+ 牛油多士, 包热饮1杯, 要左热柠水。(睇食物图)蕃茄汤底 出奇地几有蕃茄味, 碗面上台热到食唔到。荷包蛋 的圆边煎到㶶㶶地几正, 蛋黄半生熟一咬就漏。我无特别叫佢咁煮的啊...茄汁豆少量啦, 成个餐$40无加一 你仲想点。牛油多士真系有搽牛油, 轻轻烘过, 少少硬唔会太干。热柠水 佢问落埋糖好唔好, 我话好, 无特别。台面又真系无糖樽, 其他台都无。(另外, 同行的人叫左「特餐」鲍鱼火腿通 配栗米奄列+ 牛油多士, $37无加一, 佢无投诉。)内在环境呢...墙贴住几张怀旧图片, 听讲话间茶记历史悠久。地上有少量纸碎垃圾, 接受到既(本人系验尸官)。地面好像有点黏住我只波鞋底, 我觉得可以洗洗地lo。见食客可能系街坊, 有2个貌似
我去到的时间系1:30pm 星期一, 竟然坐满人, 岩岩好有一家大细5-6个食完, 估计系因为暑假学生放假, 等几分钟就坐到卡位(睇图)。
讲食物先吧, $40无加一, 叫左「全餐」(睇menu图)蕃茄汤火腿通(我转左普通公仔面, 唔洗加钱)配2只煎荷包蛋+ 茄汁豆+ 牛油多士, 包热饮1杯, 要左热柠水。(睇食物图)
蕃茄汤底 出奇地几有蕃茄味, 碗面上台热到食唔到。
荷包蛋 的圆边煎到㶶㶶地几正, 蛋黄半生熟一咬就漏。我无特别叫佢咁煮的啊...
茄汁豆少量啦, 成个餐$40无加一 你仲想点。牛油多士真系有搽牛油, 轻轻烘过, 少少硬唔会太干。
热柠水 佢问落埋糖好唔好, 我话好, 无特别。台面又真系无糖樽, 其他台都无。
(另外, 同行的人叫左「特餐」鲍鱼火腿通 配栗米奄列+ 牛油多士, $37无加一, 佢无投诉。)
内在环境呢...墙贴住几张怀旧图片, 听讲话间茶记历史悠久。地上有少量纸碎垃圾, 接受到既(本人系验尸官)。地面好像有点黏住我只波鞋底, 我觉得可以洗洗地lo。
见食客可能系街坊, 有2个貌似文青后生女, 揸拐杖的阿伯, 踼拖的妇人。
我比现金, 唔记得有无八达通机。多谢大家睇到尾！以下请看图
张贴
