茶餐廳2.0 (已結業)

黎到茶餐厅，睇来睇去，都系想食中菜，唔洗转场，原来呢度都有，仲有蒸鱼食添～2人餐包冇味精南瓜猪骨汤，清炒时菜，两个小菜、两个香白饭，热饮加$5就有，不过特饮仲抵，买一送一。加左$30要左个豉汁豆腐蒸仓鱼，都几大条几抵食。同中餐馆有得比嘅卖相，大量葱花下系新鲜多肉嘅仓鱼，仓鱼下面嘅滑豆腐吸收左鲜鱼同豉汁，又几香滑～泰式酱鸡中翼唔系话好正宗，但系好味嘅。鸡翼皮脆肉嫩，泰式酸甜汁同彩椒粒有味道同口感层次，卖相亦靓。新出台式四季春百香果，里面有桃胶同杞子，冰冻解渴兼养颜。另一杯个名同样都好靓嘅雪泡奇缘，即系榛子咖啡，甜度适中，鲜奶泡泡、咖啡同榛子味均匀入口，跟餐两杯夹埋都系加三十蚊就有非常唔错嘅价位。雪糕鲜果鸡蛋仔做甜品做ending，即制嘅所以要预15分钟，食落有d似waffle，但系鲜果好似少左d🤔。