Coffee or Tea (已結業)

中西结合，将港式茶记同西式文青咖啡室嘅概念融合系呢间餐厅嘅特色！每款菜式外观精致，极具创意，而食材采用中式食品、亦以中式烹煮方式制作，令人忍唔住想试下呢种嘅combination！✎ 炒贵刁 下层用咗韮黄、芽菜同火腿整成芙蓉蛋饼，上面就用咗水晶粉同粉皮代替河粉嘅质感，仲加入自家制嘅咖哩粉作调味。整体嚟讲，几浓咖哩味，似星洲炒米个种咖喱味道～食落唔太油腻，有种清新同滑嫩嘅口感！✎ 脆脆公司三文治 外层系炸腐皮，中间用米纸包住蛋、烟肉、火腿同薄切蕃茄等用料，仲加咗啲芝士。腐皮非常脆口，呢款食落偏油腻，充满蛋香同芝士香 ，反而冇乜蕃茄带嚟嘅清新感觉。虽然有啲油腻，但系都忍唔住食落去，比一般茶餐厅嘅公司三文治好食。✎ 鸳鸯蛋蛋蛋治 用咗煎焗蒸煮四种方式去烹煮鸡蛋，制作出玉子、蛋白、咸蛋黄同蛋浆嘅形态，再夹系酥饼中间，整体口感层次多变，一时试到滑嫩感觉，一时试到松软而酥脆嘅质感！