俊達信茶餐廳

营业中

休息中

下午茶时间过咗嚟工厂区隔离嘅民居住宅区，响附近揾嘢食，喺马路对面就已经见到呢间俊达信餐厅，又系一间潮州打冷，门口睇落去以为好细，但入到去地方都好大，例牌点咗两个小菜，一个主食。份量都几多。姜葱鲩鱼煲，好有镬气嘅一个菜，外面一层系炸过嘅，里面嘅鱼肉结实，食落去就知道系新鲜，姜葱爆香，食落去唔会腥。豉汁排骨炒凉瓜，凉瓜食落去只有淡淡回甘，唔会苦，排骨虽然用嘅系冰鲜排骨，但冇乜雪味，都可以接受。咖哩炒贵刁，咖哩味唔会太重，河粉配搭芽菜洋葱丝炒出嚟，一啖落去食到河粉嘅烟韧，又食到芽菜同洋葱丝嘅爽脆清甜，还有虾仁，呢个值得一食。