影片
更多
2010-07-19
170 浏览
5月5日, 105周月快乐!~射一下波今日决定同呀菲去d平时唔会去嘅地方食野~ 做晒research决定沙爹牛肉西多士最吸引~ 好, 向我地庆祝第一餐出发!::: 沙爹牛肉西多士 ::: $19坐低唔驶谂, 为食佢而黎, 茶餐厅都搞fusion, 系咪真系咁好食? 黎到卖相同普通西多士无异, 但系炼奶就比较少, 可能要配合沙爹牛肉卦… 好心急, 一切开, 沙爹牛肉裹藏其中, 份量都唔少, 虽然系普通嘅沙爹酱捞牛肉, 不过都几期待佢同西多配合出嘅味道~切开都原来不如想像中比例, 西多上下虽薄, 但系左右边嘅面包都几厚, 好难夹埋沙爹牛肉一齐食~ 而味道亦不如想像中突出同配合. 牛肉质地其实几夹西多, 但系衰在沙爹𠮶度…味道分差得太远, 食得甜味又食唔出沙爹味, 食多d沙爹牛肉变咗西多又冇咗个味. 而西多内部因为沾上太多沙爹汁而变得淋pat pat. 咬落冇咗西多香脆嘅口感. 呢个fusion创新但系夹埋一齐怪怪地…::: 雪菜肉丝炒米 ::: $38另外一个招牌菜, 比其他碟头饭足足贵几蚊~ 大大堆头真唔错, 2个人食都够~ 用料丰富, 除咗雪菜肉丝外, 仲有椰菜, 蛋同餐肉, 净系睇都
射一下波今日决定同呀菲去d平时唔会去嘅地方食野~ 做晒research决定沙爹牛肉西多士最吸引~ 好, 向我地庆祝第一餐出发!
::: 沙爹牛肉西多士 ::: $19
坐低唔驶谂, 为食佢而黎, 茶餐厅都搞fusion, 系咪真系咁好食? 黎到卖相同普通西多士无异, 但系炼奶就比较少, 可能要配合沙爹牛肉卦… 好心急, 一切开, 沙爹牛肉裹藏其中, 份量都唔少, 虽然系普通嘅沙爹酱捞牛肉, 不过都几期待佢同西多配合出嘅味道~
切开都原来不如想像中比例, 西多上下虽薄, 但系左右边嘅面包都几厚, 好难夹埋沙爹牛肉一齐食~ 而味道亦不如想像中突出同配合. 牛肉质地其实几夹西多, 但系衰在沙爹𠮶度…味道分差得太远, 食得甜味又食唔出沙爹味, 食多d沙爹牛肉变咗西多又冇咗个味. 而西多内部因为沾上太多沙爹汁而变得淋pat pat. 咬落冇咗西多香脆嘅口感. 呢个fusion创新但系夹埋一齐怪怪地…
::: 雪菜肉丝炒米 ::: $38
另外一个招牌菜, 比其他碟头饭足足贵几蚊~ 大大堆头真唔错, 2个人食都够~ 用料丰富, 除咗雪菜肉丝外, 仲有椰菜, 蛋同餐肉, 净系睇都颜色丰富~ 雪菜唔霉, 肉丝少少咸好吊味~ 特别竟然系餐肉好好味, 煎得香, 同炒米好夹~ 我地都要花上一段时间先清碟, 可想而知佢系几大碟~ 不过呢碟野都几多油, 对健康就唔系几好.
::: 奶茶红豆冰 ::: $16
又一fusion野, 本身觉得红豆冰加奶茶应该会好饮过椰汁红豆冰, 不过实情又真系怪怪地, 可能真系唔惯, 红豆配茶个味道似食茶叶, 涩涩地~ 令到本身杯奶茶都唔够甜, 又冇咗奶味, 红豆都系配甜野好似椰汁或者雪糕先啱~
座落喺熟食中心嘅佢今日星其三 12点唔驶等位, 上菜速度都算快, 有部电视仔sell佢地d食物~ 试齐沙爹牛肉西多士同奶茶红豆冰, 都好似期望过高, 可能真食唔惯~ 除非开喺旺区, 否则都唔会山长水远特登来食…
张贴
