茶墨 (已結業)

一直都留意到有间台式奶茶店叫茶墨，知道佢嘅出品同一般嘅珍珠奶茶唔同，今日终于久仰大名，到The One分店试试佢嘅独特口味。店舖呈开放式设计，光猛而开扬。原来呢度除咗有唔同款式嘅饮品之外，仲有售卖Gelato。现场所见有七款唔同口味，而且标明系属于低脂，啱晒注重健康人士。另外仲有曲奇小食，唔需要买太多嘅份量，适合又为食又怕肥嘅食客浅尝一下。仲有蛋糕款式，单件或原个嘅蛋糕都有，购买饮品仲可以优惠价品尝。饮品方面有好多选择，但当然最出名嘅就系水墨风。水墨风系列包括黑芝麻、芋泥、紫薯同芒果4款口味，每款都唔同配搭，各具特色。最后我选择了麻糬黑芝麻乌龙鲜奶茶，+$28配富士苹果芝士蛋糕。饮品果然尤如一幅美丽的水墨画，啖啖充满芝麻香味。麻团粒粒Q弹有口感。配合埋富士苹果的清甜，真系一个非常出色嘅组合。