札幌拉麵 Miso No.1

营业中

休息中

位于荃湾西荃新天地二期英皇戏院下层嘅札幌拉面，性价比高，一人套餐唔使$100，今晚睇戏前同朋友再食～牛肉寿喜烧锅定食 配白饭 热柚子蜜冬天最啱食寿喜烧锅，寿喜烧汤底浓味不算太甜，条配得唔错～牛肉片3-4片，份量适中～寿喜烧锅仲有娃娃菜生菜金菇等配料，仲有埋薯粉，正啊～自选一人套餐 招牌牛油拉面 配串烧鸡软骨招牌牛油拉面味道浓厚，可以按自己喜好选择溶哂成嚿牛油定系再减少，我今次就成嚿溶哂，都唔会太油腻，味道相当似以前喺札幌旅行食过嘅地道拉面～小食配左三串串烧鸡软骨，口感好爽～天妇罗鱿鱼天妇罗粉加入海苔，令表面更加香口～鱿鱼大条啖啖肉，口感非常好～