大車特色小食

营业中

休息中

之前見朋友來呢到食既圖幾吸引，咁啱屋企過來呢到都近，今日就試下佢。叫左個剪雞扒一丁同埋香茅豬排飯。先講下佢個雞扒一丁，雞扒係正既，皮剪得非常脆身，而雞扒本身都保留到肉汁，可惜既係一丁非常唔掂，原因有二，第一佢個麵唔係落爐煮，只係用熱水拖一拖過，所以呢個口感係極差，第二就係佢勁多水但就用返一包味精粉，所以極為淡口，只論一丁來說真係以後不吃。另一個香茅豬排飯就非常妙啦，首先豬排超濃香茅味，讚👍🏻，之後白飯就係正常，但配搭埋佢個蔥油䜴油就非常惹味。價錢方面就真係比較貴，大排檔午餐要$58，不過味道方面係可以去一去，或者經過附近都可以一試。