大車特色小食

营业中

休息中

之前见朋友来呢到食既图几吸引，咁啱屋企过来呢到都近，今日就试下佢。叫左个剪鸡扒一丁同埋香茅猪排饭。先讲下佢个鸡扒一丁，鸡扒系正既，皮剪得非常脆身，而鸡扒本身都保留到肉汁，可惜既系一丁非常唔掂，原因有二，第一佢个面唔系落炉煮，只系用热水拖一拖过，所以呢个口感系极差，第二就系佢劲多水但就用返一包味精粉，所以极为淡口，只论一丁来说真系以后不吃。另一个香茅猪排饭就非常妙啦，首先猪排超浓香茅味，赞👍🏻，之后白饭就系正常，但配搭埋佢个葱油䜴油就非常惹味。价钱方面就真系比较贵，大排档午餐要$58，不过味道方面系可以去一去，或者经过附近都可以一试。