影片
更多
2018-06-18
201 浏览
位于荃湾百悦坊楼上嘅福丸水产, 以选用新鲜食材滨烧见称, 今日就做乖乖女带埋妈妈嚟尝鲜一番。一入门口就有惊喜呢个水产柜, 放满唔同种类嘅鲜鱼, 条条都亮晶晶睇到我好有冲动想直接喺度点条做刺身呀。仲有活生生嘅贝壳类, 用作滨烧就啱晒啦。源自日本嘅滨烧 (浜焼き), 当地解作: とりたての鱼介を浜辺で焼くこと。意思系直接喺海边, 将新鲜捕获嘅海鲜即烤即食。呢个滨烧盛合, 新鲜嘅程度可以媲美即场捕获, 特别系鲍鱼, 放上烤炉后仍然不停舞动, 非常生猛。师傅纯熟地将鲍鱼烧至干身。 从活生生捞起 - 清洗处理 - 滨烧 - 到放入口中, 整个过程10分钟都唔洗。炆鲍鱼就食得多, 干烤真系第一次食！抱著怀疑嘅心情, 一啖放入口！有惊喜！！！烤干后嘅鲍鱼边位微焦, 咬落肉质有回弹力, 口感极佳, 仲带点天然海水咸味, 不需多余调味。蚝肉肥美圆润, 烤蚝时间恰到好处, 令肉质保持嫩滑。大蚬软滑多汁, 鲜味十足。帆立贝肉质带劲, 裙边爽口。鱿鱼须爽脆鲜甜, 须上一粒粒吸盘烤干后带点焦脆感, 加上牛油香气, 滋味无穷。滨烧果然系最能带出海产原始鲜味。刺身同样出色, 每款都水润、有光泽, 系看得见的新鲜！赤
一入门口就有惊喜呢个水产柜, 放满唔同种类嘅鲜鱼, 条条都亮晶晶睇到我好有冲动想直接喺度点条做刺身呀。
仲有活生生嘅贝壳类, 用作滨烧就啱晒啦。
源自日本嘅滨烧 (浜焼き), 当地解作: とりたての鱼介を浜辺で焼くこと。意思系直接喺海边, 将新鲜捕获嘅海鲜即烤即食。
福丸滨烧盛合
$428
17 浏览
0 赞好
0 留言
呢个滨烧盛合, 新鲜嘅程度可以媲美即场捕获, 特别系鲍鱼, 放上烤炉后仍然不停舞动, 非常生猛。师傅纯熟地将鲍鱼烧至干身。 从活生生捞起 - 清洗处理 - 滨烧 - 到放入口中, 整个过程10分钟都唔洗。
滨烧鲍鱼
17 浏览
0 赞好
0 留言
炆鲍鱼就食得多, 干烤真系第一次食！抱著怀疑嘅心情, 一啖放入口！有惊喜！！！烤干后嘅鲍鱼边位微焦, 咬落肉质有回弹力, 口感极佳, 仲带点天然海水咸味, 不需多余调味。
蚝肉肥美圆润, 烤蚝时间恰到好处, 令肉质保持嫩滑。大蚬软滑多汁, 鲜味十足。帆立贝肉质带劲, 裙边爽口。
鱿鱼须牛油烧
$68
12 浏览
0 赞好
0 留言
鱿鱼须爽脆鲜甜, 须上一粒粒吸盘烤干后带点焦脆感, 加上牛油香气, 滋味无穷。滨烧果然系最能带出海产原始鲜味。
赤矢柄刺身(左) 蜜柑鲷鱼刺身(右)
33 浏览
0 赞好
0 留言
刺身同样出色, 每款都水润、有光泽, 系看得见的新鲜！
赤矢柄刺身
$128
11 浏览
0 赞好
0 留言
赤矢柄就系水产柜中拥有细长剑咀, 鱼身长长, 鲜红色嘅一条。佢嘅鱼肉水嫩白滑, 脂肪不多, 肉质韧度较高, 适合做薄切刺身, 不过我就拣咗厚切, 特别钟意食落啖啖肉嘅口感, 细味清甜, 充满鲜味。
蜜柑鲷鱼刺身
$138
24 浏览
0 赞好
0 留言
鲷鱼入口细腻柔软, 散发微微蜜柑果香, 味道相当独特, 值得一试。
日本海胆
$198
14 浏览
0 赞好
0 留言
呢座由一瓣瓣马粪海胆叠成嘅小山, 够晒矜贵啦挂！鲜橙色嘅海胆纹理分明, 口感细致绵密, 入口先涌出香醇甜味, 细尝再微微回甘, 齿颊留香。
海老天妇罗
$98
9 浏览
0 赞好
0 留言
精致可口嘅海老天妇罗, 外层脆浆厚薄适中, 香脆而不油腻, 内层鲜虾弹牙爽甜。
牛油果软壳蟹卷
$88
20 浏览
0 赞好
0 留言
橙红色嘅蟹籽晶莹通透, 非常抢眼, 粒粒都脆卜卜, 喺口中爆发出甘香鱼油。软滑嘅牛油果包裹著薄薄一层饭, 最内层嘅软壳蟹脆中带软, 层次丰富。
整体上, 餐厅用料新鲜, 真材实在, 店员亲切细心, 有问必答, 对食材非常了解。整个用餐体验满心满足, 让人印象深刻。
值得一提！除一般餐牌外, 餐厅仲会根据时令、来货 , 每日更新厨师推介餐牌, 好似我哋今日食到嘅赤矢柄刺身 & 蜜柑鲷鱼刺身, 就未必日日有啦。点菜前可以先请侍应推介一下。
张贴
