相馬日式火鍋 (已結業)

去到荃湾见到有人推介依一间上楼嘅日式火锅，见天气突然间凉左咁就试吓去到叫咗个平价嘅美国牛肉火锅，点完汤底，佢就上咗啲牛肉猪肉同埋鸡肉，虽然系最平𠮶个套餐，但系啲肉质素都唔错。因为起高层，个景观都几靓，坐嘅位置都几阔落有基本嘅酱料可以自己捞匀佢有一系列嘅罐装饮品免费任饮，打边炉嘅丸呀，菜呀有好多款式。都好新鲜，仲有比较贵价嘅响铃都系任食，另外见佢仲有即日海鲜可以加点，见其他枱点完都好似几唔错咁。仲有雪糕食唯一嘅问题系可能我钟意食比较清淡嘅清汤，但佢个汤好似加咗浓浓嘅调味粉，我自己就觉得比较咸。但系以性价比来讲佢系几抵食嘅