燒烤堂

营业中

休息中

啲朋友成日话返大陆食烧烤串烧好平，其实我觉得呢间烧烤堂都系好介绍，味道好之余，装修又高质，之前食过中环分店，简直念念不忘，今次去嚟荃湾分店我食。必定必定要嗌焦糖青苹果鹅肝多士，超级正，系我食过最大嚿嘅鹅肝，有我手掌咁大，块鹅肝同块多士一样咁大，又超厚身，一啖咬落去充满油香，食一件都饱咗一半，中间夹埋片青苹果仲可以解解油腻感。蒜蓉烧广岛蚝都系食串烧必点，广岛蚝够鲜味又饱满，配蒜蓉系最好味。串烧款式好多，真系样样都想试，职员仲好贴心俾个炉我热住啲串烧。