老馮茶居 (荃灣千色匯II)

鲍汁柚皮鸭脚扎有两大嚿，腐皮包住鸭脚柚皮同虾滑，弹牙嘅虾滑将入晒味嘅鸭脚同清新嘅柚皮黐实，唔会散开，配搭埋鲍汁的味道，有多重的味道，而又配合得好好👍👍蚬介鲮鱼球 鲮鱼球热辣辣上枱，香味扑鼻，外层的炸到金黄色，内里弹牙。蚬介充满咸香味，鲮鱼球点上后增加咗海鲜嘅风味，令人一旧接一旧😋老冯金沙米皇肠 呢个一定要试，有别于一般的肠粉，肠粉皮内包住脆脆嘅皮入面再有虾肉，口感丰富，一定要趁热食。虾酱蒸腩仔饭 蒸饭系即叫即蒸，腩仔大大嚿，铺满上饭上面。腩仔用虾酱腌味，颜色上看似清淡，其实虾酱味浓郁又不会过咸，配饭一流，店员亦会帮手淋上豉油，令人一啖接一啖，好快清晒成碗蒸饭。姜汁桂圆红枣糕红枣糕超级Q弹，分层咁蒸，系考功夫嘅甜品，充满姜汁红枣桂圆味，好啱冬天食🫶🏻茶芥 $6/人呢间点心店想食好耐，装修好怀旧，仲用公鸡碗，好有特色、好啱打卡。之前星期日早上搭上城门水塘的小巴时，都会见到打蛇饼，超受欢迎。今次认真一望原来门口有排队机，下次用app排定队就唔使系门口等。