明記海鮮潮州菜館 (天保大廈)

营业中

休息中

几个朋友想食潮州菜，谂起屋企附近有间打冷店，于是就去咗呢度食晚饭。一坐低就先嚟前菜，有鱼干仔及咸酸菜。呢晚叫咗以下几款菜式: 孖宝C餐蒜蓉粉丝蒸元贝 - 元贝肉质鲜味，蒜蓉带出整体香味，粉丝索晒所有精华，呢个组合系绝配。金牌卤水鹅 - 卤水鹅卤得入味，鹅肉食落唔嚡有油香，很𩠌饭。豉汁蒸大鳝 - 鳝肉新鲜爽弹，用上豉汁蒸更惹味。黄金九肚鱼 - 九肚鱼炸得香脆可口，微辣口味令人忍唔住食完一件又一件。招牌炒米粉 - 炒米粉有蚝仔、蛋丝、肉碎、芽菜及芹菜，份量很大，食完好满足。呢餐大家吹水吹咗成晚，食到捧住个肚走人，大满足。