鼎家喜筷 (已結業)

平时经过鼎家喜筷出面都主要见到佢主打烧味同埋一啲小菜，原来最近出咗任食鸡煲😂 虽然配料另外加钱，但系价钱唔太贵，今次除咗食个鸡煲都另外再加左丸类、一款海鲜同嘢饮。😆呢款任食鸡煲，有三个辣都可以选择，平时唔多钟意挑战食辣嘅我，今次拣咗BB辣😆 少少辣到可以保留返食鸡煲嘅精髓，入口食到麻辣味而且鸡件本身有预先腌过，食到好入味仲好滑，其中一个原因应该系店员会帮手计时，提示鸡件可以几时食得，一定唔会过老👍🏻👍🏻 另外加嘅火锅配料虽然唔系好多，但系食得出唔系出边冻肉舖𠮶种丸类，另外叫咗珊瑚蚌食落都鲜甜，最后加咗两个出前一丁埋尾☺️完全吸收晒啲汁，本身鸡煲会跟一篮蔬菜，中和返个油腻感😆食鸡煲热怕热气于是加咗个嘢饮，系一榨菊花薏米水，清热得嚟仲可以去水肿🥹