怡和園

营业中

休息中

上星期朋友生日,本来谂住去圣安娜买蛋糕,放工行过杨屋道途中,有个几靓女的姐姐仔派张传单俾我,睇下原来系上楼蛋糕店,就系我公司附近(我系横龙街附近返工),于是第二日就走上去睇下,估唔到工厂大厦上楼舖都可以装修得咁靓,装修到完全唔似工厂大厦的单位,一入门口就有个蛋糕柜(不过系切饼来既),有好多特别的口味,街舖好少见,例如有荔枝味,青柠味等等,因为上楼舖唔似得街舖咁多人,店员好热心介绍,但系始终第一未帮衬过,就买住切饼(拿破仑)返屋企同屋企人试下咩质素先,个拿破仑切饼的酥皮好松脆,d吉士cream好香云尼拿味,屋企人同我都食得好滋味,于是第二日我又走上去,老板娘o岩o岩系度,佢建议我地试下佢地舖头的招牌蛋糕「曲奇焦糖mousse蛋糕」,斋睇样好似好甜好滞咁,但系老板娘话个份量有调较过,减少左糖的份量,唔会好甜,饭后一个人闲闲地切两件来食都唔会觉得滞,见寻晚个拿破仑都咁得,就信老板娘一次,买左呢个招牌蛋糕,去到同朋友庆祝,切来食过大家都好惊奇(包括我自己),真系甜而不腻,焦糖的香味加上曲奇碎的口感,真系无得顶,怪唔得之系镇店之宝的招牌蛋糕。